Cronfa Pensiwn Cymru

Amdanom Ni

Sefydlwyd Partneriaeth Pensiwn Cymru (WWP) yn 2017. Mae Partneriaeth Pensiwn Cymru yn gyfuniad o wyth cronfa Cynllun Pensiwn Llywodraeth Leol (Awdurdodau Cyfansoddol) ledled Cymru ac mae'n un o wyth cronfa genedlaethol ar gyfer Pensiwn Llywodraeth Leol.

Mae gennym hanes hir o gydweithredu llwyddiannus, gan gynnwys enghreifftiau sydd dyddio o'r cyfnod cyn cynllun cyfuno'r Llywodraeth. Rydym yn falch o'n hunaniaeth unigryw fel Cronfa – mae ein Hawdurdodau Cyfansoddol yn cynrychioli ac yn cynnwys Cymru gyfan. Mae bod yn atebol yn ddemocrataidd yn golygu ein bod yn darparu'r gorau o ran llywodraethu cadarn a thryloywder yn y sector cyhoeddus.

Mae ein model gweithredu wedi'i gynllunio i fod yn hyblyg a sicrhau gwerth am arian. Rydym wedi penodi Gweithredwr allanol ac yn defnyddio ymgynghorwyr allanol er mwyn sicrhau'r arbenigwyr gorau i gefnogi'r modd y mae'r Gronfa'n cael ei chynnal. Waystone Management (UK) Limited yw'r Gweithredwr ac mae wedi ymuno â Russell Investments i reoli buddsoddiadau a helpu i leihau costau rheoli buddsoddi ar gyfer yr holl Awdurdodau Cyfansoddol.

Mae gennym weledigaeth glir ac rydym yn rheoli ein gwaith i sicrhau ein bod yn cyflawni ein hamcanion.

Hysbysiadau Diweddaraf

Newyddion Diweddaraf

Dydd Gwener 01 Awst 2025

Cwmni Rheoli Buddsoddiadau PPC

Cwmni Rheoli Buddsoddiadau Partneriaeth Pensiwn Cymru

Mae pob un o'r wyth Awdurdod Cyfansoddol bellach wedi rhoi cymeradwyaeth lawn i fwrw ymlaen â'r gwaith o ffurfio Cwmni Rheoli Buddsoddiadau Partneriaeth Pensiwn Cymru, gan gynnwys cyflwyno cais i'r Awdurdod Ymddygiad Ariannol i gael ei awdurdodi'n ffurfiol.

Lansiodd y Llywodraeth ei Chynllun Pensiwn Llywodraeth Leol: Addas ar gyfer y Dyfodol ar 14 Tachwedd 2024, gan amlinellu ystod o gynigion i gryfhau'r broses o reoli buddsoddiadau Cynllun Pensiwn Llywodraeth Leol (CPLlL) mewn 3 prif faes:

1. Diwygio cronfeydd asedau CPLlL,

2. Hybu buddsoddiadau'r CPLlL yn eu hardaloedd a'u rhanbarthau yn y DU,

3. Cryfhau trefniadau llywodraethu Awdurdodau Gweinyddu'r CPLlL a chronfeydd CPLlL

Fel rhan o'r ymgynghoriad, gofynnodd y llywodraeth i bob cronfa ystyried a chyflwyno cynigion yn amlinellu pa mor hyfyw fyddai bodloni'r terfyn amser sef 31 Mawrth 2026 a gwahoddwyd bob cronfa i ddangos llwybr clir i fodloni'r gofynion a amlinellir yn y ddogfen ymgynghori.

Cyflwynodd PPC Achos Busnes i'r Llywodraeth ddiwedd mis Chwefror 2025, i wneud achos dros barhau fel Cronfa Cymru ac, felly, parhau i wireddu'r manteision y mae'r Gronfa yn eu cynnig i Gymru. Cafodd hyn ei gymeradwyo gan Lywodraeth Cymru ym mis Ebrill 2025.

Mae PPC yn cynnig sefydlu cwmni rheoli buddsoddiadau annibynnol a awdurdodir gan yr Awdurdod Ymddygiad Ariannol yn unol â meini prawf y Llywodraeth a symud holl asedau PPC i gael eu rheoli gan y cwmni yn unol â'r amserlenni a amlinellwyd. Mae'r penderfyniad i ffurfio Cwmni Rheoli Buddsoddiadau PPC yn gyfle unigryw i sefydlu canolfan ragoriaeth sylweddol mewn buddsoddiadau CPLlL yng Nghymru, gan greu cyfleoedd gyrfa gwerthfawr wrth wella'r sector gwasanaethau ariannol yng Nghymru.

Mae'r wyth Awdurdod Cyfansoddol yn gwbl gefnogol i ffurfio Cwmni Rheoli Buddsoddiadau ac mae gwaith bellach yn mynd rhagddo i ddatblygu'r cwmni, gan gynnwys paratoi cais i'r Awdurdod Ymddygiad Ariannol.

Mae cyflwyniad llawn o'r Achos Busnes a'r cais Addas ar gyfer y Dyfodol i'w weld ar wefan PPC - Gwefan Partneriaeth Pensiwn Cymru

Darllen Fwy

Dydd Llun 17 Mawrth 2025

Partneriaeth Pensiwn Cymru yn ailbenodi Hymans Robertson fel ei Hymgynghorydd Goruchwyliaeth

Mae Partneriaeth Pensiwn Cymru ('PPC') yn falch o gyhoeddi bod Hymans Robertson (Hymans) wedi cael ei ailbenodi fel Ymgynghorydd Goruchwyliaeth PPC. Ailbenodwyd Hymans ar ôl cwblhau ymarfer caffael cynhwysfawr. Dechreuodd contract Hymans ar 1 Ionawr 2025 a bydd yn para am gyfnod cychwynnol o 5 mlynedd gyda'r opsiwn i'w ymestyn am 2 flynedd arall.

Darllen Fwy